蘇氏家族愛駒澳洲一出即勝　遲啲香港見？

Jul 26

「和平波」馬主蘇志康及其家族對賽馬非常有熱誠，剛季憑「和平波」贏得三級賽1600米獅子山錦標。蘇氏家族除咗熱衷於養馬之外，亦致力培育純種馬及提升馬匹福祉，並喺海外拓展養馬事業。

蘇氏家族旗下賽駒Off Their Peach尋日喺澳洲維省嘅鄉鎮馬場伊賽卡上陣，呢匹「夏姆斯獎」子嗣順利交由霍雅利策騎，此駒沿途守喺較後位置，轉彎入直路時移出發力，最後喺終點前將對手趕過，一出即勝，就睇吓蘇氏家族會唔會安排呢匹兩歲馬運嚟香港服役啦！