與北方牧場結緣　「波」系進軍日本馬圈

Apr 21

JRA海外馬主牌照出名門檻高，然而「波」系馬主蘇振雄今日正式獲發此牌照，絕對係香港馬圈嘅一大喜訊！講起今次進軍日本嘅契機，事源於2025年嘅JRHA精選拍賣會，當時到場考察嘅蘇振雄囝囝蘇志康（Alexander）與北方牧場代表吉田勝己結緣，並獲邀請參觀旗下設施及欣賞晨操，其後北方牧場更邀請蘇氏家族申請JRA馬主牌照。

最後蘇氏一家於拍賣會以3200萬日元（約157萬港元）購入Lot 161。此駒父系出自Silver State出，母線Reve D’Olive則出自日本著名種馬「黃金巨匠」，並將會交畀橋田滿之子橋田宜長訓練。馬匹目前會喺栗東訓練中心接受操練，預計最快2026年秋天就可以正式上陣。